Blind to Bounds

http://www.youtube.com/watch?v=sSwFxMLQltE

Gehri hain woh aankhein
Dukhi ke dil mein jo jhankein

Meethi hai woh muskaan
Hamdardi ki bane jo pehchaan

Sureeli hain woh baatein
Ghareeb ki fikr ko jo battein

Haseen hain woh haath
Musibat mein jo dein door tak saath

Khush shakl hai woh chehra
Adl-o-insaaf ka dost ho jo gehra.

Bemisaal hain woh ehsaas
Zaalim ke dushman hon jo khaas.

Khoobsurat hai woh insaan
Insaaniyat ho jis ka eemaan.

Oopri rang roop bemaani hai
Husn e sulook ka na koi saani hai.